ដើម្បីដោះស្រាយការលំបាករបស់ប្រជាពលរដ្ឋ! អភិបាលខេត្តត្បូងឃ្មុំ បន្តចុះនាំយកអំណោយ​ទៅចែក​ជូន​ពលរដ្ឋ​២០១គ្រួសារបន្ថែម នៅស្រុកត្បូងឃ្មុំ ក្រោយជម្លៀសទៅស្នាក់នៅទីទួលសុវត្ថិភាព
September 12, 2019

ពលរដ្ឋ ២០១គ្រួសារ នៅស្រុកត្បូងឃ្មុំ នៅថ្ងៃទី១២ ខែកញ្ញា ឆ្នាំ២០១៩នេះ បានទទួលអំណោយ ព្រមទាំងថវិកាពី​ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងជាប្រធានគណៈកម្មាធិការសាខាកាកបាទក្រហមខេត្ត និងលោកស្រី ព្រមទាំងអង្គភាពក្រោមចំណុះខេត្ត ក្រោយពីបានរងគ្រោះដោយទឹកជំនន់ នៅស្រុកត្បូងឃ្មុំ។

ជាមួយការចុះតាមមើលស្ថានភាពការលិចលង់ តាមផ្លូវទឹកដ៏ធំល្វឹងល្វើយ ចុះទឹកឡើងគោករៀងរាល់ថ្ងៃនេះ ដោយសំណេះសំណាលផ្តល់ភាពកក់ក្តៅ និងពាំនាំប្រសាសន៍ផ្តាំផ្ញើរសួរសុខទុក្ខពីសំណាក់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះបងប្អូនដោយក្តីនឹកលឹក និងយកចិត្តទុកដាក់បំផុតពីសុខទុក្ខបងប្អូន។

ជាមួយគ្នានោះ អភិបាលខេត្ត និងលោកជំទាវ បានចែកជូននំចំណីដល់ក្មេងៗ ព្រមទាំងចែកថវិការផ្ទាល់​ខ្លួនដល់​ប្រជាការពារភូមិ កងកម្លាំង និងអ្នកដែលចូលរួមលើការងារមនុស្សធម៌នេះទាំងអស់ ដើម្បីជាការលើកទឹកចិត្ត ផ្តល់ភាពកក់ក្តៅ ទាំងពលរដ្ឋរងគ្រោះ និងបងប្អូនជាអ្នកជួយសង្គ្រោះយ៉ាងសស្រាក់សស្រាំ ធ្វើយ៉ាងណាជំរុញការងារ​ចុះជួយ រក្សាសុខរួមទុក្ខជូនពលរដ្ឋ កាន់ផុសផុលបន្ថែមទៀត។

សូមបញ្ជាក់ផងដែរថា គ្រួសារទាំង២០១គ្រួសារ មកពី០៣ភូមិ ក្នុងឃុំជីរោទ៍ទី១ និងឃុំបឹងព្រួល ស្រុកត្បូងឃ្មុំដោយក្នុង១គ្រួសារៗ ទទួលបានគ្រឿងឧបភោគបរិភោគ និងថវិការ២ម៉ឺនរៀល៕

ព័ត៌មានទាក់ទង
ច្បាប់នឹងឯកសារថ្មីៗ
ក្រសួងមហាផ្ទៃ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ ទៅក្នុងទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ