នារសៀលថ្ងៃចន្ទ ទី១៧ ខែ កុម្ភៈ ឆ្នាំ ២០២០ លោក ម៉ាង ស៊ីណេត អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អភិបាល នៃគណ:អភិបាលខេត្តព្រះសីហនុ បានអនុញ្ញាតឱ្យលោក ខេវិន យ៉ាន (Kevin Yan) តំណាងក្រុមហ៊ុន សុីន នីវ អិនវេសមេន ព្រមទាំង មានការសម្របសម្រួលពីលោក លី រតនា និងភរិយា បានសុំចូលជួបសំណេះសំណាល និងសម្ដែងការគួរសម។
ជាមួយគ្នានេះផងដែរ ក្រុមហ៊ុន សុីន នីវ អិនវេសមេន បានឱ្យដឹងថា កន្លងមក ក្រុមហ៊ុន បានធ្វេីកម្មវិធី ចែកម៉ាសដល់សាលាមួយចំនួនរួចមកហេីយ ដោយមេីលឃេីញថាបច្ចុប្បន្នខេត្តព្រះសីហនុ កំពុងស្ថិតក្នុងការអភិវឌ្ឍន៍ និងមានកត្តាបរិយាកាស មិនសូវជាល្អ ដូចជាហ៊ុយធូលីជាដេីម ទេីបក្រុមហ៊ុនបង្កេីតនៅកម្មវិធីសប្បុរសធម៌មួយនេះឡេីង។ ជាក់ស្តែង នាពេលនេះផងដែរក្រុមហ៊ុនក៏បាននាំយកចំនួន២៥០០ម៉ាស មកឧបត្ថម្ភជូនដល់រដ្ឋបាលខេត្តព្រះសីហនុ ដេីម្បីប្រេីប្រាស់ តាមការគួរ។
ឆ្លៀតក្នុងឱកាសនោះ លោក ម៉ាង ស៊ីណេត អភិបាលរងខេត្តក៍បានថ្លែងអំណអរគុណដល់ ក្រុមហ៊ុន សុីន នីវ អិនវេសមេន ដែលបាន ខិតខំ ប្រឹងប្រែងចូលរួមសកម្មភាពមនុស្សធម៌ក្នុងសង្គម ព្រមទាំងបានផ្តល់នូវម៉ាសចំនួន២៥០០ ដល់រដ្ឋបាលខេត្តព្រះសីហនុ លោកសង្ឃឹមថា ក្រុមហ៊ុន នឹងបន្តសកម្មភាពមនុស្សធម៌ក្នុងសង្គមបែបនេះជាបន្តទៀតផងដែរ៕
ប្រភព៖ រដ្ឋបាលខេត្តព្រះសីហនុ