នៅព្រឹកថ្ងៃទី០៣ ខែមេសា ឆ្នាំ២០២០ លោក ពិន ប្រាកដ អភិបាលរងខេត្ត និង ជាតំណាងដ៏ខ្ពងខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានទទួលយកនូវ ទឹកលាងដៃសម្លាប់មេរោគចំនួន ៥០ដប ម៉ាសពេទ្យ (Sugary Mask ) ចំនួន ២៥០០ម៉ាស ដែលក្រុមហ៊ុនឌី អេហ្វ អាយ ឡាក់គី ប្រាយវេត លីមីធីត (ផ្សារទំនើបឡាក់គី,ផ្សារឡាក់គីអ៊ិចប្រេស,ផ្សារឡាក់គីព្រីមៀម, ហាងឱសថស្ថានហ្គាឌៀន) បានឧបត្តម្ភជូនដល់រដ្ឋបាលខេត្តសៀមរាប ក្នុងគោលបំណងចូលរួមប្រយុទ្ធប្រឆាំងនិងជួយទប់ស្កាត់ការរីករាលដាលវីរុសកូវីដ-១៩។
រដ្ឋបាលខេត្តសៀមរាប សូមថ្លែងអំណរគុណយ៉ាងជ្រាលជ្រៅដល់ម្ចាស់ក្រុមហ៊ុនឌី អេហ្វ អាយ ឡាក់គី ប្រាយវេត លីមីធីត និងសូមថ្លែងអំណរគុណចំពោះវិស័យឯកជន និងបងប្អូនប្រជាជនក្នុងខេត្ត ដែលបានចូលរួមអនុវត្តតាមវិធាន និងការអំពាវនាវរាជរដ្ឋាភិបាលនិងអាជ្ញាធរគ្រប់លំដាប់ថ្នាក់ក្នុងទប់ស្កាត់វិបត្តិនានាដែលកើតឡើងដោយសារវិបត្តិកូវីដ១៩ និងការទប់ស្កាត់ការរីករាលដាលឆ្លងជំងឺកូវីដ១៩៕
ប្រភព៖ រដ្ឋបាលខេត្តសៀមរាប
