https://www.interior.gov.kh/report/detail/5217
កោះកុង៖ ថ្ងៃពុធ ទី០៣ ខែមិថុនា ឆ្នាំ២០២០ លោក សុខ សុទ្ធី អភិបាលរង នៃគណ:អភិបាលខេត្តកោះកុង បានដឹកនាំប្រជុំសម្របសម្រួលលើកទី២ ជាមួយភាគីគូទំនាស់ ដែលអះអាងថាជាម្ចាស់ដី កំពុងរងការប៉ះពាល់ ពីគម្រោងស្ថាបនាផ្លូវល្បឿនលឿន សម្រាប់តភ្ជាប់រាជធានីភ្នំពេញ-ខេត្តព្រះសីហនុ ដោយឆ្លងកាត់ភូមិសាស្រ្តស្រុកស្រែអំបិល ខេត្តកោះកុង។
បន្ទាប់ពីកិច្ចប្រជុំត្រូវបានបញ្ចប់ ក្រុមការងារបានចុះពិនិត្យទីតាំងការដ្ឋាន ដោយពិនិត្យឃើញថា ផ្ទះដែលស្ថិតនៅចំទីតាំងគម្រោងស្ថាបនាផ្លូវល្បឿនលឿន រាជធានីភ្នំពេញ-ខេត្តព្រះសីហនុ ពិតជាត្រូវបានរើផ្ទះចេញពីមុខការដ្ឋាន ទៅតាំងនៅខាងត្បូងជាប់របងថ្ម នៅក្នុងបរិវេណដីនោះដដែល ដូចការព្រមព្រៀងក្នុងកិច្ចប្រជុំលើកទី១ កាលពីថ្ងៃចន្ទ ទី២៥ ខែឧសភា ឆ្នាំ២០២០ កន្លងទៅ៕
ប្រភព៖ រដ្ឋបាលខេត្តកោះកុង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។