ថ្ងៃសុក្រទី២៧ វិច្ឆិកា ឆ្នាំ២០២០ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក រត្ន័ ដាស៊ីណង់ អភិបាលស្រុកមង្គលបូរី ជាមួយ ឃុំ និងកម្លាំងប្រដាប់អាវុធ បានអញ្ជើញប្រគល់ផ្ទះសាងសង់រួចចំនួន ០២ខ្នងបន្ថែម ដល់បងប្អូនប្រជាពលរដ្ឋនៅក្នុងឃុំបត់ត្រង់ ស្រុកមង្គលបូរី ជាអំណោយដ៍ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចគត្តិព្រឹទ្ធបណ្ឌិត សម្រាប់ដោះស្រាយការលំបាកបងប្អូនប្រជាពលរដ្ឋរងគ្រោះទឹកជំនន់។
ក្នុងថ្ងៃទី២៧ ខែវិច្ឆិកានេះដែរ ក្រុមការងារជាមួយកងកម្លាំងបន្តធ្វើចំនួន០២ ខ្នងទៀត នៅភូមិនាងកេត ឃុំឬស្សីក្រោក ស្រុកមង្គលបូរី។
សូមបញ្ជាក់ជូនថា អាជ្ញាធរខេត្ត ដែលមានកងកម្លាំងប្រដាប់អាវុធជាអ្នកសាងសង់ផ្ទាល់ គិតដល់ថ្ងៃទី២៧ វិច្ឆិកានេះ បានសាងសង់ផ្ទះរួចរាល់ចំនួន០៧ខ្នង ក្នុងផែនគ្រោងជួសជុល និងសាងសង់ថ្មីជូនដល់ប្រជាពលរដ្ឋគ្រោះទឹកជំនន់ក្នុងខេត្តបន្ទាយមានជ័យចំនួន ២៤ខ្នង៕
ប្រភព៖ រដ្ឋបាលខេត្តបន្ទាយមានជ័យ