ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកជំទាវ ជ័យ ណារី អ៊ុំ រាត្រី បានអញ្ជើញសំណេះសំណាល និងផ្តល់អំណោយឧបត្ថម្ភ អំណោយរបស់រដ្ឋបាលខេត្ត មន្ទីរ អង្គភាព មានជាស្បៀងអាហារជូនដល់ កងកម្លាំងប្រដាប់អាវុធ ក្រុមគ្រូពេទ្យជួរមុខ ដែលបានចូលរួមប្រយុទ្ធនឹងជំងឺកូវីដ-១៩ ក្នុងភូមិសាស្ត្រខេត្ត នៅសាលាខេត្តបន្ទាយមានជ័យ នាថ្ងៃទី១៧ ឧសភា ឆ្នាំ២០២១ ។

អំណោយផ្តល់ជូនកងកម្លាំង និងគ្រូពេទ្យរួមមាន

១.ស្នងការនគរបាលខេត្ត អង្ករ ២០០០ គីឡូក្រាម សាច់ជ្រូក ៤០គីឡូក្រាម, ទឹកបរិសុទ្ធ ៣៥កេស, ទឹកក្រូច២០កេស,និងមី ៣០កេស

២.កងពលថ្មើជើងលេខ៥១ អង្ករ ២០០០ គីឡូក្រាម សាច់ជ្រូក ៤០គីឡូក្រាម, ទឹកបរិសុទ្ធ ៣៥កេស, ទឹកក្រូច២០កេស,និងមី ៣០កេស

៣.កងរាជអាវុធហត្ថ អង្ករ ១០០០ គីឡូក្រាម សាច់ជ្រូក ៤០គីឡូក្រាម, ទឹកបរិសុទ្ធ ៣៥កេស, ទឹកក្រូច២០កេស,និងមី ៣០កេស

៤.តំបន់ប្រតិបត្តិការសឹករងខេត្ត អង្ករ ១០០០ គីឡូក្រាម សាច់ជ្រូក ៤០គីឡូក្រាម, ទឹកបរិសុទ្ធ ៣៥កេស, ទឹកក្រូច២០កេស,និងមី ៣០កេស

៥.គ្រូពេទ្យ ទឹកបរិសុទ្ធ ៥០កេស, ទឹកក្រូច២៤កេស,និងមី ៤០កេស ។

មានប្រសាសន៍សំណេះសំណាលឱកាសនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ក្នុងនាមរដ្ឋបាលខេត្តបន្ទាយមានជ័យ សូមថ្លែងការអរគុណ និងកោតសរសើរចំពោះស្មារតីនៃការចូលរួមទាំងយប់ថ្ងៃរបស់កងកម្លាំងប្រដាប់អាវុធ និងគ្រូពេទ្យយើងទាំងអស់ ដើម្បីចូលរួមប្រយុទ្ធទប់ស្កាត់ និងកាត់ផ្តាច់ការរីករាលនៃជំងឺកូវីដ១៩ ប្រកបដោយជោគជ័យ សុវត្ថិភាពខ្ពស់ តាមបទបញ្ជារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ជាមួយគ្នានោះ ឯកឧត្តម អំពាវនាវដល់កងកម្លាំងនិងគ្រូពេទ្យទាំងអស់ បាននឹងកំពុងបំពេញបេសកកម្ម សូមចូលរួមធ្វើអនាម័យឲ្យបានគ្រប់ៗគ្នា ត្រូវចូលរួមអនុវត្តឲ្យបាន៣ការពារ និង៣កុំ តាមអនុសាសន៍របស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ ក្នុងនោះមាន ៖ ៣ការពារ ៣កុំ គឺត្រូវឧស្សាហ៍លាងដៃនឹងសាប៊ូ អាល់កុល ឬជែល កុំទៅចូលក្នុងចំណោមច្រើនកកកុញ កុំចាប់ដៃគ្នា ឬឱបថើបគ្នា កុំចូលទីកន្លែងបិទ គ្មានខ្យល់ចេញចូល និងមិនត្រូវប្រើម៉ាស៊ីនត្រជាក់ច្រើនពេក ។

ឯកឧត្តមក៏បានផ្ញើសារជូនពរដល់កងកម្លាំងកងទ័ពទាំងអស់ប្រកបដោយសុខភាពល្អ ជោគជ័យគ្រប់បេសកម្មការងារជូនជាតិ និងប្រជាជន ជៀសឆ្ងាយពីជំងឺកូវីដ-១៩ទាំងអស់គ្នា ៕

ប្រភព៖ រដ្ឋបាលខេត្តបន្ទាយមានជ័យ