នាព្រឹកថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែឧសភា ឆ្នាំ២០១៨ នៅឃុំភ្នំបាត ស្រុកពញាឮ មានរៀបចំពិធីបញ្ចុះបឋមសិលាសាងសង់អាគារអនុវិទ្យាល័យត្រពាំងរកា ១ ខ្នង ៥ បន្ទប់ ទំហំ ៤០ម៉ែត្រ គុណ ៩ម៉ែត្រ ដំបូលប្រក់ក្បឿង នៅភូមិត្រពាំងរកា ឃុំភ្នំបាត ស្រុកពញាឮ ក្រោមអធិបតីភាព ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល ដោយមានការចូលរួមពីមន្ត្រីរាជការ សិស្សានុសិស្ស និងប្រជាពលរដ្ឋ ចំនួនជាង ៦០០នាក់។ *គួរបព្ជាាក់ផងដែរថា អាគារអនុវិទ្យាល័យដែលបើកការដ្ឋាននាពេលនេះសាងសង់ដោយក្រុមហ៊ុន អ៊ែតវ៉ាន់ផ្លាស ដែលត្រូវចំណាយរយះពេលសាងសង់ ៣ខែ។ *ក្នុងឱកាសនោះដែរ ឯ.ឧ អភិបាលខេត្ត បានឧបត្ថម្ភដល់ប្រជាពលរដ្ឋ និងសិស្សានុសិស្ស ដែលបានអញ្ជើញចូលរួមចំនួន៥០០ នាក់ ក្នុងម្នាក់ៗទទួលបានថវិកា ចំនួន ១ មុឺនរៀល និង លោកគ្រូ អ្នកគ្រូចំនួន ៧៨ នាក់ ក្នុងម្នាក់ៗទទួលបានថវិកា ចំនួន ៥មុឺនរៀល៕ ប្រភពព័ត៌មាន:រដ្ឋបាលខេត្តកណ្តាល (ថ្ងៃទី២៤ ខែឧសភា ឆ្នាំ២០១៨)