នៅព្រឹកថ្ងៃ សុក្រ ១១កើត ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៥ ខែ ឧសភា ឆ្នាំ ២០១៨ នៅសាលប្រជុំ"គ"សាលាខេត្តកំពង់ឆ្នាំងមានបើកកិិច្ចប្រជុំគណ:កម្មាធិការពិគ្រោះយោបល់ កិច្ចការស្រ្តី និងកុមារ(គ.ក.ស.ក) ខេត្តកំពង់ឆ្នាំង ដើម្បីបូកសរុបលទ្ធផលសកម្មភាពការងារប្រចាំខែ ឧសភា ឆ្នាំ ២០១៨ និងលើកទិសដៅអនុវត្តបន្ដខែមិថុនា ឆ្នាំ ២០១៨ ក្រោមអធិបតីភាពលោកជំទាវ តុង ណារី សមាជិកាក្រុមប្រឹក្សាខេត្តនិងជាប្រធាន គ.ក.ស.ក ខេត្តកំពង់ឆ្នាំងនិង ឯកឧត្តម ស៊ីវ រុន សមាជិកក្រុមប្រឹក្សាខេត្ត និងជាអនុប្រធាន គ.ក.ស.ក ខេត្ត ដោយមានការចូលរួមពីលោក លោកស្រីប្រធាន អនុប្រធានមន្ទីរ អង្គការដៃគូអភិវឌ្ឍន៍នានា សមាជិក គ.ក.ស.ក ខេត្ត និងក្រុង/ស្រុកទាំង៦ ។ លោកជំទាវ តុង ណារី ប្រធានគណ:កម្មាធិការពិគ្រោះយោបល់ កិច្ចការស្រ្តី និងកុមារ ខេត្តកំពង់ឆ្នាំង បានលើកឡើងពីទិសដៅផែនការសកម្មភាពដើម្បីគាំទ្រកិច្ចការស្រ្តី និងកុមារខេត្តគឺដើម្បីចូលរួមចំណែកកាត់បន្ថយ អំពើហឹង្សាក្នុងគ្រួសារ ដោះស្រាយនូវបញ្ហាប្រឈមនានាមួយចំនួន និងតម្រូវការរបស់ស្រ្តី កុមារ និងជនងាយរងគ្រោះ ។ បន្ថែមពីលើនោះ ឯកឧត្តមស៊ីវ រុន ក៏បានជម្រុញឲ្យអាជ្ញាធរមានសមត្ថកិច្ច មន្ទីរមានសមត្ថកិច្ច និងអ្នកពាក់ព័ន្ធទាំងអស់ ត្រូវបន្ដសហការផ្សព្វផ្សាយ និងចាត់វិធានការលើករណីមានអំពើហឹង្សាលើស្ត្រី និងកុមារឲ្យបានទាន់ពេលវេលា។ ប្រភពព័ត៌មាន: រដ្ឋបាលខេត្តកំពង់ឆ្នាំង (ថ្ងៃទី២៥ ខែឧសភា ឆ្នាំ២០១៨)