កំពង់ឆ្នាំង៖ នៅរសៀលថ្ងៃទី១៣ ខែកញ្ញា ឆ្នាំ២០២១ ឯកឧត្តម ស្រ៊ន សំឫទ្ធី អភិបាលរងខេត្តពង់ឆ្នាំង ដឹកនាំក្រុមការងារចុះពិនិត្យមើលមណ្ឌលចត្តាឡីស័កនិងព្យាបាលនៅវិទ្យាល័យទឹកហូតនិងចុះពិនិត្យមើលទីតាំងមណ្ឌលព្យាបាលជំងឺកូវីដ-១៩និងមណ្ឌលធ្វើចត្តាឡីស័កនៅសាលាគុយវ៉ែត ស្ថិតក្នុងត្រពាំងក្រពើ ឃុំទឹកហូត ស្រុករលាប្អៀរ ខេត្តកំពង់ឆ្នាំង។
ឯកឧត្តម ស្រ៊ន សំឫទ្ធី អភិបាលរងខេត្ត បានមានប្រសាសន៍ថា ចំពោះការចុះពិនិត្យមើលទីតាំងនៅសាលាគុយវ៉ែត ស្ថិតក្នុងត្រពាំងក្រពើ ឃុំទឹកហូតស្រុករលាប្អៀរ ខេត្តកំពង់ឆ្នាំងដើម្បីត្រៀមរៀបចំថ្មីសម្រាប់ទទួលពលករមកពីក្រៅប្រទេស ជាពិសេសពលករមកពីប្រទេសថៃ ដើម្បីធានាថាការរៀបចំមានលក្ខណៈស្ដង់ដារ មានផាសុកភាពនិងមានសុវត្ថិភាពស្របតាមការណែនាំរបស់ក្រសួងសុខាភិបាលបានកំណត់៕
ប្រភព៖ រដ្ឋបាលខេត្តកំពង់ឆ្នាំង