ឯកឧត្តម អ៉ីវ លាង អញ្ជើញសំណេះសំណាលជាមួយមន្ត្រីក្រោមឱវាទ ដើម្បីផ្តល់អនុសាសន៍ក្នុងការអនុវត្តការងារប្រកបដោយប្រសិទ្ធភាព
រសៀលថ្ងៃសុក្រ ៩រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែមីនា ឆ្នាំ២០១៩ នៅសាលប្រជុំអគ្គាធិការដ្ឋាន ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញសំ ណេះសំណាលជាមួយមន្ត្រីនគរបាល នៃនាយកដ្ឋានអធិការកិច្ច កិច្ចការនគរបាលថ្នាក់កណ្តាល ដោយមានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន នាយ នាយរងការិយាល័យ និងមន្ត្រី ចំណុះនាយកដ្ឋានអធិការកិច្ច កិច្ចការនគរបាលថ្នាក់កណ្តាល ដើម្បីផ្តល់ជាអនុសាសន៍គន្លឹះមួយចំនួនរួមមាន៖
- សាមគ្គីភាព សហការផ្ទៃក្នុង
- ពង្រឹងរបៀបរបបការងារ
- ពង្រឹងលើការគ្រប់គ្រងមន្ត្រី
- ពង្រឹងសមត្ថភាពរបស់មន្ត្រី តាមរយៈការរៀបចំវគ្គបណ្តុះបណ្តាល ឬវប្បធម៌នៃការចែករំលែកនូវចំណេះដឹង ដោយអ្នកចេះ បង្រៀនអ្នកមិនចេះ និងរក្សាការសំងាត់របស់អង្គភាព៕ គឹមអាន
ប្រភព៖ អគ្គាធិការដ្ឋាន
