នៅថ្ងៃទី៥ ខែវិច្ឆិកា ឆ្នាំ២០២៤ ដោយបានការអនុញ្ញាតដ៏ខ្ពង់ខ្ពស់ពីសំណាក់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញដឹកនាំគណៈប្រតិភូនៃបណ្ឌិត្យសភានគរបាលកម្ពុជាមួយក្រុម ក្នុងនោះមានគ្រូនគរបាលជាតិចំនួន៧នាក់ ទៅបំពេញទស្សនកិច្ចការងារនៅមហាវិទ្យាល័យវិជ្ជាជីវៈទីក្រុងអ៊ូហាននៃសាធារណរដ្ឋប្រជាមានិតចិន រយៈពេល៥ថ្ងៃ ចាប់ពីថ្ងៃទី៥ដល់៩ ខែវិច្ឆិកា ឆ្នាំ២០២៤។

ដំណើរទស្សនកិច្ចនេះ មានគោលបំណងសំខាន់ពីរគឺ៖

១- ដើម្បីចុះអនុស្សរណៈនៃការយោគយល់គ្នារវាងមហាវិទ្យាល័យវិជ្ជាជីវៈនគរបាលទីក្រុងអ៊ូហាននិងបណ្ឌិត្យសភានគរបាលកម្ពុជា 

២- ដើម្បីទទួលការបណ្តុះបណ្តាលបន្ថែមដល់គ្រូនគរបាលជាតិលើចំណេះដឹងនិងបទពិសោធ ស្តីពី «ការសង្គ្រោះទិន្នន័យនិងកោសល្យវិច័យកុំព្យូទ័រ លើជំនាញព័ត៌មានវិទ្យា» នៅមហាវិទ្យាល័យវិជ្ជាជីវៈនគរបាលទីក្រុងអ៊ូហាននៃសាធារណរដ្ឋប្រជាមានិតចិន។ 

ប្រភព៖ បណ្ឌិត្យសភានគរបាលកម្ពុជា