កំចាយមារ ៖ ដោយទទួលបានការណែនាំដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានអញ្ជើញចុះពិនិត្យអគារសំណង់ដែលបានសាងសង់រួច ដើម្បីពិនិត្យសិក្សា និងវាយតម្លៃលទ្ធភាពក្នុងការរៀបចំទីតាំងនេះឱ្យក្លាយជាមណ្ឌលអប់រំកែប្រែថ្មី សម្រាប់បម្រើដល់ការងារគ្រប់គ្រង អប់រំកែប្រែជនជាប់ឃុំប្រកបដោយប្រសិទ្ធភាព និងកាត់បន្ថយភាពចង្អៀតណែន ដែលស្ថិតនៅភូមិត្បូងវត្ត ឃុំក្របៅ ស្រុកកំចាយមារ ខេត្តព្រៃវែង នាថ្ងៃទី០៨ ខែមិថុនា ឆ្នាំ២០២៦។

ដោយមានការអញ្ជើញចូលរួមពី លោកអភិបាលរង តំណាង ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង និងអមដំណើរដោយ ឯកឧត្តម អគ្គនាយករង ព្រះរាជអាជ្ញារង ប្រធាននាយកដ្ឋានជំនាញ អាជ្ញាធរដែនដី និងមន្រ្តីជំនាញពាក់ព័ន្ធ៕

ប្រភព៖ អគ្គនាយកដ្ឋានពន្ធនាគារ