ខេត្តមណ្ឌលគិរី៖ ស្នង​ការដ្ឋាននគរបាលខេត្ត បើកកិច្ចប្រជុំពង្រឹងការ​ងារជំនាញនគរបាលព្រហ្មទណ្ឌ និងលើក​កម្ពស់ប្រសិទ្ធ​ភាព​ការងារ ក្នុងការអនុវត្តតួនាទីភារកិច្ចប្រចាំថ្ងៃ ក្រោមអធិបតីភាពលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី​ នៅថ្ងៃព្រហស្បតិ៍ ទី១៩ ខែធ្នូ ឆ្នាំ២០២៤នេះ ដោយមានការអញ្ជើញចូលរួមពី លោកនាយការិយាល័យនគរបាលព្រហ្មទណ្ឌកម្រិតធ្ងន់ លោកនាយការិយាល័យនគរបាលព្រហ្មទណ្ឌកម្រិតស្រាល លោកនាយការិយាល័យនគរ​បាលបច្ចេកទេសនិងវិទ្យាសាស្ត្រ ,លោកអធិការនគរបាលក្រុង ស្រុកទាំង​៥ ,លោកលោកស្រីនាយរងការិយាល័យជំនាញទាំង ៣​,លោកនាយ នាយរងផ្នែក និងមន្ត្រីទាំងអស់ចំណុះផែនការងារនគរបាលព្រហ្មទណ្ឌ លោកអធិការរង និងនាយផ្នែកទទួលការងារនគរបាលយុត្តិធម៌ នៃអធិការដ្ឋាននគរបាលក្រុង/ស្រុកទាំង៥ លោក​នាយ នាយរងប៉ុស្តិ៍នគរបាលរដ្ឋ​បាលឃុំ/សង្កាត់ទទួលការងារយុត្តិធម៌ទាំង​២១។ 

លោកឧត្តម​សេនីយ៍ទោ ស្នងការនគរបាលខេត្ត បានអនុញ្ញាតឱ្យលោកវរសេនីយ៍ឯក ចំរើន ភីរុណ ស្នងការរងទទួលដឹកនាំការងារការិយាល័យនគរបាលព្រហ្មទណ្ឌ​ឡើងអានផែនការយុត្តិសាស្ត្រ​ពាក់ព័ន្ធ និងជំនាញនៃការអនុវត្តច្បាប់ប្រចាំថ្ងៃរបស់នគរបាលព្រហ្មទណ្ឌទៅលើបទល្មើសគ្រប់ប្រភេទ លោកឧត្តមសេនីយ៍ស្នង​ការលោកបានអនុញ្ញាតឱ្យលោក វរសេនីយ៍​ឯក ហ៊ូ តារា នាយការិយាល័យនគរ​បាលព្រហ្ម​ទណ្ឌកម្រិតធ្ងន់ និងលោកវរសេនីយ៍ឯក ព្រំ សុផៃ នាយការិយាល័យនគរ​បាលព្រហ្មទណ្ឌកម្រិតស្រាល ឡើងអានរបាយការណ៍ យុទ្ធវិធីជំនាញរបស់ខ្លួន ដែលបានអនុវត្តទៅបានជោគជ័យ ឬ​មិនបានជោគជ័យ ប្រឈម និងមិនប្រឈមដើម្បីយកមកពិភាក្សាគ្នា ធ្វើជាបទពិសោធន៍ទៅដល់មន្ត្រីនគរបាលទាំងអស់ដែលកំពុងតែមានវត្ត​មាន​ក្នុងកិច្ចប្រជុំ។

នាឱកាសនោះដែរ លោកឧត្តមសេនីយ៍ទោស្នងការ លោកបានលើកយកចំណុចសំខាន់ៗ មួយចំនួនក្នុងផែនការយុទ្ធ​សាស្ត្រក្នុងរបាយការណ៍ដែលមន្ត្រីនគរបាលក្រោម ឱវាទអនុវត្តប្រចាំថ្ងៃកន្លងមកក៏ដូចជាបទ​ពិសោធន៍ល្អៗ ការអនុវត្តជំនាញព្រហ្មទណ្ឌ ជំនាញរដ្ឋបាល ក្នុងការិយាល័យ ជំនាញបង្ក្រាបបទល្មើសគ្រប់ប្រភេទដែលលោកមានយកមកបង្រៀនណែនាំបង្ហាញវែកញែកនិងដើម្បីតំរង់ទិសដៅទៅដល់លោក លោកស្រីនៅក្នុងកិច្ចប្រជុំទាំងអស់ មុននិងបញ្ចប់លោកឧត្តមសេនីយ៍ទោស្នងការ សូមជូន​ពរដល់កម្លាំងទាំងអស់សូមជួបប្រទះ តែពុទ្ធពរទាំងបួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

ប្រភព៖ ស្នងការដ្ឋាននគរបាលខេត្តមណ្ឌលគិរី