ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅព្រឹកថ្ងៃ ទី១៣ ខែកញ្ញា ឆ្នាំ២០២៤នេះ បានអញ្ជើញបើកយុទ្ធនាការធ្វើអត្តសញ្ញាណប័ណ្ណចល័តតាមសាលារៀន​ ជូនសិស្សានុសិស្ស និងប្រជាពលរដ្ឋ ក្នុងក្របខណ្ឌទូទាំងខេត្តកំពង់ចាម។

ជាក់ស្តែងនៅព្រឹកនេះ ឯកឧត្តម អ៊ុន ចាន់ដា អភិបាលខេត្តកំពង់ចាម បានអញ្ជើញចុះជួបសំណេះសំណាល និងត្រួតពិនិត្យដោយផ្ទាល់ នៃការបើកយុទ្ធនាការធ្វើអត្តសញ្ញាណប័ណ្ណ ជូនសិស្សានុសិស្ស នៃវិទ្យាល័យសម្តេចតេជោ ហ៊ុន សែន ស្ទឹងត្រង់ ប្រមាណជិត ៣០០នាក់ ស្ថិតនៅក្នុងបរិវេណវិទ្យាល័យសម្តេចតេជោ​ ហ៊ុន​ សែន​ ស្ទឹងត្រង់ ដោយប្រើប្រាស់ម៉ាស៊ីន ចំនួន៣ គ្រឿង ដោយម៉ាស៊ីន១ គ្រឿងអាចថតអត្តសញ្ញាណប័ណ្ណបានប្រមាណ ១០០នាក់/ថ្ងៃ ។

ប្រភព៖ រដ្ឋបាលខេត្តកំពង់ចាម