នៅថ្ងៃសុក្រ ទី១៩ ខែធ្នូ ឆ្នាំ២០២៥នេះ ឯកឧត្តម​ ប៉េង​ ពោធិ៍សា​ អភិបាល នៃគណៈអភិបាលខេត្តស្វាយរៀង​ បានអនុញ្ញាតឱ្យឯកឧត្តម Zhao Haiyan អគ្គទីប្រឹក្សានៃស្ថានទូតចិនប្រចាំកម្ពុជាចូលជួបសម្តែងកា​រគួរសម និងពិភាក្សាការងារ។ 

ក្នុងជំនួបនេះមានការអញ្ជេីញចូលរួមពីលោកអភិបាលរងខេត្ត​ លោកនាយករងរដ្ឋបាលសាលាខេត្ត​ លោកស្នងការនគរបាលខេត្ត​ លោកមេបញ្ជាការរងកងរាជអាវុធហត្ថខេត្ត​ លោកអនុប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត​ និងលោកអភិបាលក្រុងបាវិត​ ។ 

មានប្រសាសន៍ទៅកាន់ឯកឧត្តម Zhao Haiyan អគ្គទីប្រឹក្សាស្ថានទូតចិន​ប្រចាំកម្ពុជា​ ឯកឧត្តមអភិបាលខេត្តបានជម្រាបជូនអំពីទីតាំងភូមិសាស្ត្រ​ និងតំបន់សក្តានុពលសំខាន់ៗដែលរដ្ឋបាលខេត្តសម្រេចបាន​ ព្រមទាំងសម្តែងនូវការស្វាគមន៍​ និងថ្លែងអំណរគុណចំពោះដំណើរទស្សនកិច្ចរបស់ប្រតិភូស្ថានទូត ដែលបានអញ្ជេីញចុះមកបំពេញការងារនៅខេត្តស្វាយរៀង​នាឱកាសនេះ​ ដេីម្បីបន្តពង្រឹងកិច្ចសហប្រតិបត្តិការការងាររវាងខេត្តស្វាយរៀង និងប្រទេសចិន​រួមមាន​ ការចូលរួមសហការបង្ក្រាបបទល្មេីសស្គែមអនឡាញ​ និងពង្រឹងពង្រីកដៃគូវិនិយោគមកពីប្រទេសចិនបន្ថែមទៀតដេីម្បីមកបណ្តាក់ទុននៅទឹកដីខេត្តស្វាយរៀង​ ដែលនាំមកនូវផលប្រយោជន៍ជាច្រេីន​សម្រាប់ខេត្ត​ ជាពិសេសបង្កើតបានការងារធ្វើជូនប្រជាពលរដ្ឋក្នុងខេត្ត និងក្រៅខេត្ត​  ជាមួយគ្នានេះក្នុងនាមរដ្ឋបាលខេត្តតែងតែយកចិត្តទុកដាក់ក្នុងការការពារថែរក្សាសន្តិសុខ សុវត្ថិភាពជូនដល់ដៃគូវិយោគទាំងអស់ដែលមានវត្តមាននៅខេត្តស្វាយរៀងផងដែរ។

ប្រភព៖ រដ្ឋបាលខេត្តស្វាយរៀយ