ទីស្តីការក្រសួងមហាផ្ទៃ ៖ នាព្រឹកថ្ងៃពុធ ទី០៤ ខែធ្នូ ឆ្នាំ២០២៤ ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញជាអធិបតី នៃពិធីបាឋកថា ស្តីពីការពិនិត្យឡើងវិញ និងការវិភាគមុខងារ និងរចនាសម្ព័ន្ធ ក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម សន្តិបណ្ឌិត រដ្ឋលេខាធិការ លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង លោកប្រធាន អនុប្រធាននាយកដ្ឋាន នាយការិយាល័យ និងថ្នាក់ដឹកនាំតំណាងស្ថាប័ន-អង្គភាពពាក់ព័ន្ធជាច្រើនរូបទៀត៕

ជាកិច្ចចាប់ផ្តើមបើកពិធីបាឋកថា ឯកឧត្តមសន្តិបណ្ឌិត បានមានប្រសាសន៍ស្វាគមន៍នូវវត្តមានដ៏ថ្លៃថ្លារបស់លោកជំទាវ ឈី វិជ្ជរា រដ្ឋលេខាធិការ នៃក្រសួងមុខងារសាធារណៈ និងជាប្រធានក្រុមការងារបច្ចេកទេសលើកកម្ពស់ប្រសិទ្ធភាពការងារ និងសហការី ដែលបានឆ្លៀតពេលអញ្ជើញមកផ្ដល់វគ្គបណ្ដុះបណ្ដាល ក៏ដូចជាការចែករំលែកចំណេះដឹង និងបទពិសោធន៍បន្ថែមទៀតពាក់ព័ន្ធទៅនឹងការពិនិត្យឡើងវិញ និងការវិភាគមុខងារ និងរចនាសម្ព័ន្ធ ក្រសួង-ស្ថាប័ន នាឱកាសនេះ ។

ជាចុងក្រោយ ឯកឧត្តមសន្តិបណ្ឌិត ក៏បានសំណូមពរដល់លោកជំទាវនិងក្រុមការងារ ជាពិសេសក្រសួងមុខងារសាធារណៈមេត្តាជួយបន្តគាំទ្រ និងក៏សូមគោរពជូនពរ ឯកឧត្តម លោកជំទាវទាំងអស់ សូមមានសុខភាពល្អ និងសម្រេចបានជោគជ័យគ្រប់ភារកិច្ចដែលថ្នាក់ដឹកនាំប្រគល់ជូន ៕

ដោយ៖ អគ្គ​នាយកដ្ឋានបច្ចេកវិទ្យាឌីជីថល​ និងផ្សព្វផ្សាយអប់រំ