តាកែវ ៖ នៅរសៀលថ្ងៃទី២០ ខែមេសា ឆ្នាំ២០២៦ ដោយបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅសាលប្រជុំធំ ស្នងការដ្ឋាននគរបាលខេត្តតាកែវ បានរៀបចំពិធីបិទវគ្គបណ្ដុះបណ្ដាលបំប៉នជំនាញ ស្ដីពី បច្ចេកទេសសង្គ្រោះជីវិតជនរងគ្រោះ ដោយគ្រោះថ្នាក់ចរាចរណ៍ផ្លូវគោក។

ពិធីនេះស្ថិតក្រោមអធិបតីភាព លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ ឯកឧត្តម គង់ សុវណ្ណ ប្រធានអង្គការទ្រទ្រង់សុវត្ថិភាពកម្ពុជា និងជាទីប្រឹក្សាគណៈកម្មាធិការជាតិសុវត្ថិភាពចរាចរណ៍ផ្លូវគោក និងលោក ខេង ខេវិន តំណាងម្ចាស់ជំនួយមកពីសហរដ្ឋអាមេរិក។ 

ដោយមានការអញ្ជើញចូលរួមពី លោកឧត្តមសេនីយ៍ វរសេនីយ៍ ស្នងការរងទាំងអស់ លោកនាយការិយាល័យទាំង៣៣ លោក លោកស្រីនាយរងការិយាល័យ លោក លោកស្រីនាយ នាយរងផ្នែក និងមន្រ្តីទាំងអស់ចំណុះឲ្យការិយាល័យចរាចរណ៍ផ្លូវគោក លោកអធិការរង លោក លោកស្រីនាយ នាយរងផ្នែក និងមន្ត្រីផ្នែកសណ្ដាប់ធ្នាប់សាធារណៈទាំងអស់ នៃអធិការដ្ឋាននគរបាលក្រុង ស្រុកទាំង ១០ផងដែរ៕

ប្រភព ៖ ស្នងការដ្ឋាននគរបាលខេត្តតាកែវ