ព្រឹកថ្ងៃព្រហស្បត្តិ៍ ទី៣០ ខែមីនា ឆ្នាំ២០២៣ រដ្ឋបាលខេត្តព្រះសីហនុ បានរៀបចំពិធីបើកសន្និបាតបូកសរុប​លទ្ធផលការងារឆ្នាំ២០២២ និងលើកទិសដៅ​ការងារឆ្នាំ២០២៣ ក្រោមអធិបតីភាព ឯកឧត្តម វង្ស ផាណាត ប្រធានក្រុមប្រឹក្សាខេត្ត និង​ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ រយៈ​ពេល២ថ្ងៃ ចាប់ពីថ្ងៃ៣០ ដល់ថ្ងៃទី៣១ ខែមីនា ឆ្នាំ២០២៣ នៅសាលប្រជុំមជ្ឍមណ្ឌលសេដ្ឋាច័ន្ទ ភូមិ៦ សង្កាត់លេខ៤ ក្រុងព្រះសីហនុ។

ឯកឧត្តម វង្ស ផាណាត ប្រធានក្រុមប្រឹក្សាខេត្ត មានប្រសាសន៍បើកសន្និបាទថា រាជរដ្ឋាភិបាលបាន​សម្រេច​ជ្រើស​រើសយកខេត្តព្រះសីហនុ ជាទីតាំងម្ចាស់ផ្ទះសម្រាប់រៀបចំព្រឹត្តិការណ៍ជាតិ អន្តរជាតិ​សំខាន់ៗរួមមាន វេទិការទេសចរណ៍អាស៊ាន២០២២ ពិធីបដិមាភិសេកព្រះថោងនាងនាគទទួលបាន​ជោគជ័យយ៉ាងត្រចេះត្រចង់គួរជាទីមោទនដោយបានទាក់ទាញភ្ញៀវទេសចរជាតិ អន្តរជាតិ ពិសេស​ធានាការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៥ ប្រព្រឹត្តទៅប្រកបដោយលក្ខណៈ​សេរីត្រឹមត្រូវ យុត្តិធម៌ និងមានសុវត្ថិភាពនិងការការពារសន្តិសុខសម្រាប់វេទិការទេសចរណ៍​អាស៊ាន​ឆ្នាំ២០២២ ពីធីបុណ្យសមុទ្រលើកទី៩ ជុំទី៣ ឆ្នាំ២០២២ និងមហា សន្និបាទក្លឹបឆ្នេរសមុទ្រ ដែល​ស្អាត​បំផុតលើសកលលោកឆ្នាំ២០២២ និងកិច្ចប្រជុំផ្សេងៗទៀតដែលរៀបចំនៅខេត្តព្រះសីហនុ បានប្រព្រឹត្ត​ទៅប្រកបដោយសុវត្ថិភាពយ៉ាងល្អប្រសើរ ចូលរួមលើកកម្ពស់កិត្យានុភាពរបស់កម្ពុជានៅលើឆាកអន្ត​រជាតិ​ថែមទៀតផង។

ជាមួយគ្នានេះគណ:បញ្ជាការឯកភាពខេត្ត បានបន្តបង្កើនកិច្ចសហប្រតិបត្តិការក្នុងការថែរក្សា​សណ្តាប់​ធ្នាប់ និងសុវត្ថិភាពក្នុងសង្គមតាមរយ:ការលើកកម្ពស់វិធានការជំនាញ ទន្ទឹមនេះការខិតខំជម្រុញឪ្យមាន​ការ​ចូលរួមពីសំណាក់ប្រជាពលរដ្ឋក្នុងការអនុវត្តគោលនយោបាយភូមិ ឃុំមានសុវត្ថិភាព ដែលជាហេ​តុធ្វើ​​ឪ្យបទល្មើសព្រហ្មទណ្ឌថយចុះ ៣.១៧ភាគរយ បទល្មើសមជ្ឈឹមថយចុះ ១២ភាគរយ។

ទន្ទឹមនោះរាជរដ្ឋាភិបាលបានដាក់ចេញនិងអនុវត្តនូវយុទ្ធនាការ ប្រតិបត្តិការគ្រម់ៗគ្នាដើម្បីបង្កើនកា​រប្រ​យុទ្ធ​ប្រឆាំងគ្រប់ទម្រង់នៃអំពើជួញដូរមនុស្ស ជួញដូរពលកម្ម និងអាជីវកម្មផ្លូវភេទ ប្រតិបត្តិ​ការប​ង្ក្រា​ប​ល្បែងស៊ីសងខុសច្បាប់គ្រប់ប្រភេទ ប្រតិបត្តិការចុះធ្វើអធីការកិច្ចហត្ថពលកម្មបរទេស ការបន្តអ​នុវត្ត​យុទ្ធនាការប្រយុទ្ធប្រឆាំងបទល្មើសគ្រឿងញៀនខុសច្បាប់ ក្រុមក្មេងទំនើង តាមសហគមន៍​រួមទាំងបទ​ល្មើ​ស​ផ្សេងៗទៀតក៏ត្រូវបានចាត់តាំងអនុវត្តយ៉ាងសកម្មផុលផុ​សសម្រេចបានលទ្ធផលគួរ​ឱ្យ​កត់​សម្គាល់​។

ឯកឧត្តម គួច ចំរើន អភិបាលខេត្តព្រះសីហនុ បានមានប្រសាសន៍ ណែនាំដល់អង្គសន្និបាទបូកសរុបល​ទ្ធ​ផល ការងារឆ្នាំ២០២២ និងលើកទិសដៅការងារឆ្នាំ២០២៣ មន្ត្រីរាជការ កងកម្លាំងប្រដាប់អាវុធត្រូ​វ​បញ្ចេ​ញមតិយោ បល់តាមក្រុមនិមួយៗឪ្យបានផុលផុស ដើម្បីចូលរួមពិភាក្សាឪ្យទូលំទូលាយ​ក្បោះក្បា​យ​​រ​វាងក្រុមពិភាក្សីនិមួយៗ មានលោកអភិបាលរងខេត្តម្នាក់ជាអ្នកដឹកនាំក្រុម និងសុំលើ​ក​ជា​​សំ​ណើ​រ យោបល់ និងសំណូមពរ ហើយរដ្ឋបាលខេត្តនឹងទទួលយកស​ម្រាប់ទិសដៅនៃភាពជោគ​ជ័យ​អនុវ​​ត្ត​ការ​ងាររបស់រដ្ឋបាលខេត្ត ពិសេសសមិទ្ធផលដែលយើងអនុវត្តបាននាពេលកន្លងមក និងប្រមូល​ធាតុ​ចូល ដើម្បីធ្វើការកែលម្អដឹកនាំឆ្នាំខាងមុខប្រកបដោយប្រសិទ្ធភាព ប្រសិទ្ធផល។

សូមបញ្ជាក់ថា សន្និបាតរបស់រដ្ឋបាលខេត្តព្រះសីហនុ យើងជ្រើសប្រធានបទចំនួន ៧ក្រុម ដើម្បីធ្វើកា​រពិនិត្យ ពិភាក្សាគ្នា មានដូចជា ១.ការអនុវត្តគោលនយោបាយភូមិឃុំមានសុវត្ថិភាព ២.ការប្រយុទ្ធ​ប្រ​ឆាំងគ្រប់ទម្រង់ នៃការជួញដូរមនុស្ស ជួញដូរពលកម្ម អាជីវកម្មផ្លូវភេទ និងការធ្វើអធិការ​កិច្ចហត្ថព​លក​របរទេស ៣.ការផ្តល់សេវារដ្ឋបាល ការដោះស្រាយសំណើ សំណូមពររបស់ប្រជាពលរដ្ឋ អង្គភា​ពច្រក​ចេ​ញចូលតែមួយខេត្ត ក្រុង ស្រុក និងយន្តការច្រកចេញចូលតែមួយឃុំ សង្កាត់ ៤.យន្តការដោះស្រាយ​ទំនា​ស់ក្រៅ​ប្រព័ន្ធតុលាការ ៥.យន្តការគាំទ្ររដ្ឋបាលក្រុង ស្រុក ឃុំ សង្កាត់៦.ការគ្រប់គ្រងកាកសំ​​ណល់​​​​រឹង រាវ និងអនាម័យបរិស្ថាន និងទី៧.ការងារទេសចរណ៍ ដើម្បីធ្វើការពិភាក្សាតាមក្រុមនីមួយៗ៕

ប្រភព៖ រដ្ឋបាលខេត្តព្រះសីហនុ