ទីស្តីការក្រសួងមហាផ្ទៃ៖ នាព្រឹកថ្ងៃសុក្រ ទី២៨ ខែវិច្ឆិកា ឆ្នាំ២០២៥​ ឯកឧត្ដមសន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ បានអញ្ជើញ​ដឹកនាំកិច្ចប្រជុំពិភាក្សាលើការផលិត និងប្រើអាវសុវត្ថិភាព (អាវក្រោះ) សម្រាប់កងកម្លាំងនគរបាលជាតិ​។ 

ដែលមាន​ការ​អញ្ជើញ​ចូលរួមពី​ ឯកឧត្ដម​ អគ្គនាយក​ អគ្គស្នងការ​រង​ នៃអគ្គស្នងការនគរបាលជាតិ​ អគ្គនាយក​រង​ ប្រធាននាយកដ្ឋាន​ ​អនុប្រធាន​នាយកដ្ឋាន​ នាយការិយាល័យ​ នាយរងការិយាល័យ និងតំណាង​បណ្តា អគ្គនាយក​ដ្ឋានចំណុះក្រសួងមហាផ្ទៃ​ ព្រមទាំង​មន្ត្រី​ពាក់ព័ន្ធ​ជាច្រើន​ទៀត​ផង​។ 

ឯកឧត្ដម​ រដ្ឋលេខាធិការ​ បានឯកភាព និងសម្រេចផលិតអាវសុវត្តិភាព (អាវក្រោះ) ចំនួន២ប្រភេទ​ ជូនដល់អង្គភាពអគ្គស្នងការដ្ឋាន​ អគ្គនាយកដ្ឋានអន្តោប្រវេសន៍​ និងអគ្គនាយកដ្ឋានពន្ធនាគារ​ (កម្លាំងនគរបាលការពារព្រំដែន​ កម្លាំងប្រតិបត្តិករ​) ដោយប្រេីស្លាកសញ្ញា (ឡូហ្គូ) សំគាល់អង្គភាពនីមួយៗ​។ ជាមួយគ្នានោះដែរ​ ឯកឧត្ដម​ រដ្ឋលេខាធិការ​ក៏បានប្រគល់ភារកិច្ចជូនអគ្គនាយកដ្ឋានភស្តុភារ និងហិរញ្ញវត្ថុ​ សហការ​ជាមួយ​ តំណាងអគ្គស្នងការនគរបាលជាតិ​ អគ្គនាយកដ្ឋានអន្តោប្រវេសន៍​ អគ្គនាយដ្ឋានពន្ធនាគារ​ បណ្ឌិត្យសភា​នគរបាលកម្ពុជា និងអគ្គនាយកដ្ឋានធនធានមនុស្ស​ គូរ (Design) អាវសុវត្តិភាព​ និងមួកសុវត្ថិភាពផងដែរ​៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ