រដ្ឋបាលខេត្តព្រៃវែង​ រៀបចំកិច្ចប្រជុំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប្រចាំឆ្នាំ២០២១

ថ្ងៃទី១៨ ខែមករា ឆ្នាំ២០២២ ឯកឧត្ដម​ ជា​ សុមេធី​ អភិបាលខេត្តព្រៃវែង​ និងឯកឧត្តម ម៉ក់ វ៉ន តំណាងឯកឧត្តម ស្បោង សារ៉ាត ប្រធានក្រុមប្រឹក្សាខេត្តបានចូលរួមជាអធិបតីក្នុងកិច្ចប្រជុំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប្រចាំឆ្នាំ២០២១ ដោយមានការអញើញចូលរួមពីសមាជិកក្រុមប្រឹក្សាខេត្ត លោកអភិបាលរងខេត្ត កងកម្លាំងទាំងបី មន្ទីរអង្គភាពជុំវិញខេត្ត និងអាជ្ញាធរស្រុកកំចាយមារគ្រប់លំដាប់ថ្នាក់ ជាមួយលោកមេឃុំ មេភូមិ និងប្រជាពលរដ្ឋ ដែលប្រព្រឹត្តទៅនៅសាលាស្រុកកំចាយមារ។​ ក្នុងវេទិកាផ្សព្វផ្សាយ និងពិគ្រោះយោបល់នេះ គឺដើម្បីស្វែងយល់ពីក្តីកង្វល់ បញ្ហាប្រឈមនានា និងតម្រូវការរបស់បងប្អូនប្រជាពលរដ្ឋនៅក្នុងមូលដ្ឋាន។

ឆ្លៀតក្នុងឱកាសនេះ ឯកឧត្ដម​ អភិបាល​ខេត្ត​ សូមកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងរបស់រដ្ឋបាលខេត្ត រដ្ឋបាលស្រុក ក៍ដូចជាថ្នាក់ឃុំ និងអ្នកពាក់ព័ន្ធទាំងអស់ក្នុងការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រៃវែងនៅស្រុកកំចាយមារនេះ ដើម្បីដឹងអំពីទុក្ខលំបាករបស់បងប្អូនប្រជាពលរដ្ឋ និងសំណូមពរនានា ដែលគាត់ជួបប្រទះនៅតាមមូលដ្ឋាន​ រដ្ឋបាល​ខេត្ត​ និងមន្ទីរអង្គភាពពាក់ព័ន្ធ​ រួមជាមួយ​ អាជ្ញាធរ​ស្រុក​ ឃុំ​ និងបន្តដោះស្រាយ​ជាបន្តបន្ទាប់ទៀត​។

ជាមួយគ្នានេះ ឯកឧត្ដម​ អភិបាល​ខេត្ត​ ក៏បានធ្វើការណែនាំនៅចំណុចមួយចំនួនក្នុងគោលបំណងពង្រឹងរក្សាជំហរប្រុងប្រយ័ត្នខ្ពស់ លើករណីការឆ្លងរីករាលដាលនៃជំងឺកូវីដ-១៩នេះ ដោយប្រកាន់ខ្ជាប់តាមការណែនាំរបស់ក្រសួងសុខាភិបាល និងសង្ឃឹមយ៉ាងមុតមាំថា មន្ត្រី និងក្រុមគ្រួសារទាំងអស់ ចូលរួមអនុវត្តវិធានការនេះបានម៉ឺងម៉ាត់ទាំងអស់គ្នា។

សារជាថ្មីម្តងទៀត ឯកឧត្ដម​ អភិបាល​ខេត្ត​ និងឯកឧត្តម ម៉ក វ៉ន សូមគោរពជូនពរគណៈអធិបតី ក៏ដូចជា អង្គពិធីទាំងមូល ព្រមទាំងសហការី សូមមានសុខភាពល្អ និងជោគជ័យគ្រប់ភារកិច្ចដែលរដ្ឋប្រគល់ឲ្យ៕

ប្រភព៖ រដ្ឋបាលខេត្តព្រៃវែង

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ