រដ្ឋបាលខេត្តក្រចេះ រៀបចំវគ្គបណ្ដុះបណ្ដាលស្ដីពីវិធានការការពារ ទប់ស្កាត់និងបង្ការបាញ់ថ្នាំ សម្លាប់ជំងឺកូវីដ-១៩ ដល់រដ្ឋបាលក្រុងស្រុកទាំង ៦
June 02, 2020 អ្នកទស្សនា : 24

      ថ្ងៃអង្គារ ទី២ ខែមិថុនា ឆ្នាំ២០២០នេះ ក្រុមវេទិកាសម្ព័ន្ធសង្គមស៊ីវិល សហការជាមួយរដ្ឋបាលខេត្តក្រចេះ បើកវគ្គបណ្ដុះបណ្ដាលស្ដីពីវិធានការការពារ ទប់ស្កាត់និងបង្ការបាញ់ថ្នាំ សម្លាប់ជំងឺកូវីដ-១៩ ដល់រដ្ឋបាលក្រុងស្រុកទាំង៦ក្នុងខេត្តក្រចេះ ក្រោមការដឹកនាំ ឯកឧត្តម ប៉ែន លីណាត អភិបាលរងខេត្ត និងឯកឧត្តម ស៊ឹម វុទ្ធា អគ្គលេខាធិការរងវេទិកាសម្ព័ន្ធសង្គមស៊ីវិល។ 

      ដោយក្នុងវគ្គបណ្តុះបណ្ដាលនោះដែរ បានធ្វើបទបង្ហាញបកស្រាយអំពីចំណេះដឹងជាមូលដ្ឋាននៃជំងឺ covid19 បច្ចុប្បន្នភាពនៃស្ថានភាពជំងឺកូវីដ19 និងការទប់ស្កាត់ និងការការពារនៃការរីករាលដាលនៅក្នុងសហគមន៍។

      ឯកឧត្តម ប៉ែន លីណា អភិបាលរងខេត្តបានបញ្ជាក់ថា ៖ កន្លងមកថ្នាក់ដឹកនាំខេត្ត រួមនឹងមន្ត្រីជំនាញ បានធ្វើការក្រើនរំលឹក ដល់បងប្អូនប្រជាពលរដ្ឋនៅតាមមូលដ្ឋាន កុំឱ្យភ្លេចខ្លួនពីការការពារ និងទប់ស្កាត់ពីជំងឺ covid 19 ម្យ៉ាងវិញទៀតក៏មានបង្កើតនូវគណៈកម្មាការប្រយុទ្ធប្រឆាំងនឹងជំងឺកូវីដ-១៩ ថ្នាក់ខេត្ត ដោយក្នុងនោះមានការគ្រប់គ្រង និងតាមដានទៅតាមច្រកព្រំដែននីមួយៗ ដើម្បីឲ្យដឹងកាន់តែច្បាស់ពីស្ថានភាពសុខភាព របស់បងប្អូនពលករ កម្មករ ដែលវិលចូលស្រុកកំណើត(សហគមន៍) ភាគច្រើនមកពីប្រទេសថៃ ដោយតម្រូវឲ្យពួកគាត់មកធ្វើតេស្ត៍រកមេរោគ និងស្នាក់នៅដាច់ដោយឡែកពីអ្នកដទៃ ឬក្រុមគ្រួសារ តាមរយៈនៅផ្ទះរបស់ខ្លួន ឬមណ្ឌលចត្តាឡីស័ក ដែលខេត្តបានរៀបចំ ។ ហើយមកទល់ពេលនេះខេត្តក្រចេះ គឺមិនមានករណីណាមួយ សង្ស័យថាមានជំងឺកូវីដ-១៩នោះឡើយ ទាំងនេះគឺដោយមានការសហការពីបងប្អូនប្រជាពលរដ្ឋ ជាពិសេសបងប្អូនកម្មករ ពលករ បានចូលរួមអនុវត្តតាមវិធានការណែនាំ របស់ក្រសួងសុខាភិបាល ក៏ដូចជាអាជ្ញាធរខេត្តប្រកបដោយប្រសិទ្ធភាព តែទោះជាយ៉ាងណាអាជ្ញាធរខេត្តនៅតែបន្ត យកចិត្តទុកដាក់ពីសុខភាព និងជីវភាពរបស់បងប្អូនប្រជាពលរដ្ឋ ក្នុងការពង្រឹងឱ្យពួកគាត់បន្តថែរក្សាអនាម័យប្រចាំថ្ងៃ និងអនុវត្តតាមអនុសាសន៍របស់ប្រមុខរាជរដ្ឋាភិបាល ក៏ដូចជាក្រសួងសុខាភិបាល ដើម្បីរួមគ្នាទប់ស្កាត់ការរីករាលដាលពីជំងឺកូវីដ-១៩ ជារលកទីពីរនៅក្នុងខេត្តក្រចេះ ក៏ដូចជាសហគមន៍យើងផងដែរ។ 

      តាមការបញ្ជាក់បន្ថែមពីឯកឧត្តមអគ្គលេខាធិការរងវេទិកាសម្ព័ន្ធសង្គមស៊ីវិល ៖ វីរុសជំងឺកូវីដ-១៩ ចម្លងតាមការប៉ះពាល់ជាមួយដំណក់ទឹកពីផ្លូវដង្ហើមជាជាងការឆ្លងកាត់ខ្យល់ ដូចជា៖ ក្អក ឬកណ្តាស់ ហើយជំងឺនេះ មានអាការដូចជាគ្រុនក្តៅ អស់កម្លាំង និងក្អកស្ងួត ហើយអ្នកជំងឺឈឺចុកចាប់ និងតឹងច្រមុះ ហូរសំបោរ ឈឺបំពង់ក និងរាកជាដើម។

      ដើម្បីទប់ស្កាត់ និងបង្ការនៃការរីករាលដាលនៅក្នុងសហគមន៍ គឺតម្រូវឱ្យ ៖-ចំណាត់ថ្នាក់វិទ្យាសាស្រ្តនិងយុទ្ធសាស្ត្របង្ការ និងគ្រប់គ្រងសហគមន៍ -យុទ្ធសាស្ត្របង្ការ និងគ្រប់គ្រងផ្សេងៗគ្នា គួរតែត្រូវបានអនុម័តដោយសហគមន៍ ដែលមានស្ថានភាពខុសគ្នា -សហគមន៍ដែលមិនមានករណីណាមួយ គួរតែអនុវត្តតាមយុទ្ធសាស្ត្រនៃការការពារ ករណីខាងក្រៅដែលនាំចូល -ខណៈដែលសហគមន៍ ដែលមានករណី ឬការផ្ទុះរាលដាល ត្រូវបានគេណែនាំឲ្យអនុវត្តតាមយុទ្ធសាស្ត្រ ការពារករណីពីការរីកសាយភាយ ចូលនិងចេញមកខាងក្រៅ សម្រាប់សហគមន៍ដែលមានការរីករាលដាល នៃការរីករាលដាលយុទ្ធសាស្ត្រ បង្ការការរីករាលដាល ពីការរីករាលដាលចូលនិងចេញទៅខាងក្រៅគួរតែត្រូវអនុម័ត៕

ប្រភព៖ រដ្ឋបាលខេត្តក្រចេះ

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ