នារសៀលថ្ងៃទី ២៧ ខែមិថុនា ឆ្នាំ២០១៧នេះ នៅខេត្តត្បូងឃ្មុំបានធ្វើពិធីប្រកាសចូលកាន់មុខតំណែងអភិបាល នៃគណៈអភិបាលខេត្តត្បូងឃ្មុំជាផ្លូវការ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ ក្នុងពិធីប្រកាសតែងតាំង លោក លី ឡេង ជាអភិបាលនៃគណៈអភិបាលខេត្តត្បូងឃ្មុំថ្មីនេះ សម្តេចក្រឡាហោម បានមានប្រសាសន៏សំណេះសំណាល ព្រមទាំងផ្តាំផ្ញើដល់ថ្នាក់ដឹកនាំដែលទទួលបានតំណែងថ្មី ត្រូវប្រកាន់ភ្ជាប់នូវស្មារតីទំនួលខុសត្រូវខ្ពស់ក្នុងការដឹកនាំ និងផ្តល់នូវសុខសន្តិភាព សុវត្តិភាពដល់បងប្អូនប្រជាពលរដ្ឋនៅក្នុងខេត្តទាំងមូល ដើម្បីជាគំរូដ៏ល្អ និងទទួលបាននូវទំនុកចិត្តពីសំណាក់បងប្អូនប្រជាពលរដ្ឋ៕