នាព្រឹកថ្ងៃសុក្រ ២រោច ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែមីនា ឆ្នាំ២០១៩ នៅសាលប្រជុំមន្ទីរសាធារណការ និងដឹកជញ្ជូនខេត្កំពង់ឆ្នាំង មានបើកកិច្ចប្រជុំស្តីពីប្រកាសតែងតាំងសមាសភាពអនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ឆ្នាំង ក្រោមអធិបតីភាព លោក អៀង វុធ អភិបាលរងខេត្តកំពង់ឆ្នាំង។ ជាមួយនឹងការប្រកាសតែងតាំងនេះ ក៏មានការចូលរួមពីសមាជិក សមាជិកា គណៈកម្មការសុវត្ថិភាពចរាចរណ៍ខេត្តជាច្រើនផងដែរ។
ក្នុងឱកាសនោះ លោក អៀង វុធ បានថ្លែងទៅកាន់ក្រុមការងារអនុគណៈកម្មការសុវត្ថិភាព
ចរាចរណ៍ផ្លូវគោកប្រចាំខេត្តថា ការសម្រេចបានសូចនករល្អគឺអាស្រ័យលើយើងទាំងអស់គ្នាចេះសហការ និងសាមគី្គគ្នា ហើយក្រុមការងារទាំងអស់ក៏ត្រូវសហការគ្នាអនុវត្តអោយបានតាមតួនាទី និងភារកិច្ច ដើម្បីធ្វើយ៉ាងណាអោយសកម្មភាពការងារដែលអនុវត្តទៅទទួលបានលទ្ធផលល្អ និងប្រកបដោយប្រសិទ្ធភាពខ្ពស់ជាពិសេសរួមគ្នាធ្វើយ៉ាងណាកាត់បន្ថយករណីគ្រោះថ្នាក់ចរាចរណ៍អោយនៅកំរិតទាបបំផុត៕ មុនីរម្យ
ប្រភព៖ រដ្ឋបាលខេត្តកំពង់ឆ្នាំង