លោកជំទាវ មិថុនា ភូថង បានអញ្ជើញស្វាគមន៍ ឯកឧត្តម ហ៊ុន ម៉ានី និងឯកឧត្តម សុះ មុះសិន ក្នុងពិធីសំណេះ សំណាលសួរសុខទុក្ខ និងផ្ដល់អំណោយសង្គ្រោះបន្ទាន់ដល់ប្រជាពលរដ្ឋដែលរងគ្រោះដោយទឹកជំនន់ជិត ៣០០ គ្រួសារ
ព្រឹកថ្ងៃសុក្រ ១២កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ២១ ខែកញ្ញា ឆ្នាំ២០១៨ លោកជំទាវ មិថុនា ភូថង អភិបាល នៃគណ:អភិបាល ខេត្តកោះកុង បានអញ្ជើញស្វាគមន៍ ឯកឧត្តម ហ៊ុន ម៉ានី សមាជិក រដ្ឋសភាជាតិ និងជាប្រធានសហភាពសហព័ន្ធយុវជនកម្ពុជា និងឯកឧត្តម សុះ មុះសិន សមាជិករដ្ឋសភាជាតិ និង ជាប្រធានសមាគមនិស្សិតមុស្លិមកម្ពុជា ក្នុងពិធីសំណេះសំណាលសួរសុខទុក្ខ និងផ្ដល់អំណោយសង្គ្រោះបន្ទាន់ ដល់ប្រជាពលរដ្ឋដែលរងគ្រោះដោយទឹកជំនន់ជិត ៣០០ គ្រួសារ នៅភូមិបាក់អង្រុត ឃុំដងពែង ស្រុកស្រែអំបិល ខេត្តកោះកុង៕
