អាជ្ញាធរខេត្តកំពង់ឆ្នាំង ចុះជួយជួសជុលផ្ទះប្រជាពលរដ្ឋរងគ្រោះដោយខ្យល់កន្ត្រាក់ នៅស្រុកសាមគ្គីមានជ័យ
ថ្ងៃទី២ ខែមិថុនា ឆ្នាំ២០២០ ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានគណៈបញ្ជាការឯកភាពរដ្ឋបាលខេត្ត បានចាត់តាំងកងកម្លាំងទាំងបីប្រភេទចំនួន ១៣៩នាក់ ដឹកនាំដោយលោកឧត្តមសេនីយ៍ទោ ខូវ លី ស្នងការនគរបាលខេត្ត រួមសហការជាមួយអាជ្ញាធរមូលដ្ឋាន ចុះជួយលើកផ្ទះ និងជួសជុលផ្ទះប្រជាពលរដ្ឋចំនួន ៥០ខ្នង (រលំ ៥ខ្នង, របើកដំបូល ៤៥ខ្នង) ដែលរងគ្រោះដោយសារខ្យល់កន្ត្រាក់ កាលពីរសៀលថ្ងៃទី១ ខែមិថុនា នៅឃុំស្វាយ និងឃុំពាម ស្រុកសាមគ្គីមានជ័យ។
កម្លាំងដែលបានចូលរួមប្រតិបត្តិការ រួមមាន: កងអន្តរាគមន៍នៃស្នងការដ្ឋាននគរបាលខេត្ត ១២០នាក់, កម្លាំងសឹករងស្រុក ១២នាក់ និងកម្លាំងកងរាជអាវុធហត្ថ ៧នាក់ ព្រមជាមួយកម្លាំងប្រជាការពារ និងអាជ្ញាធរមូលដ្ឋាន៕
ប្រភព៖ រដ្ឋបាលខេត្តកំពង់ឆ្នាំង
