អភិបាលខេត្តតាកែវ នាំយកទៀនចំណាំព្រះវស្សា សំពត់សាដក ទេយ្យទាន និងគ្រឿងឧបភោគបរិភោគ ប្រគេនវត្តចំនួន០៤ ស្ថិតនៅក្នុងស្រុកត្រាំកក់
តាកែវ៖ នៅព្រឹកថ្ងៃសៅរ៍ ទី០៤ ខែកក្កដា ឆ្នាំ២០២០ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ និងលោកជំទាវ ព្រមទាំង ឯកឧត្តម លោកជំទាវ ក្រុមការងារថ្នាក់ជាតិ ថ្នាក់ខេត្ត បាននាំយកទៀនចំណាំព្រះវស្សា សំពត់សាដក ទេយ្យទាន និងគ្រឿងឧបភោគបរិភោគ ប្រគេនវត្តចំនួន ៤ ស្ថិតនៅឃុំអង្គតាសោម ស្រុកត្រាំកក់ ដែលប្រារព្ធធ្វើឡើងនៅបរិវេណវត្តអង្គតាសោម។
សូមបញ្ជាក់ដែរថា ទេយ្យទាន និងគ្រឿងឧបភោគបរិភោគ បានយកមកប្រគេន ៤វត្ត ដោយក្នុងមួយវត្តៗ ទទួលបាន៖ ទឹកក្រូច ២កេស ទឹកផ្លែឈើ ២កេស ទឹកបរិសុទ្ធ ៤កេស ទឹកត្រី ៣យួរ មី ២កេស គ្រឿងឧបភោគមួយចំនួន អង្ករ ៥០គីឡូ ទៀនវស្សា១គូរ និងបច្ច័យ ៨០ម៉ឺនរៀលផងដែរ៕
ប្រភព៖ រដ្ឋបាលខេត្តតាកែវ
