ព្រឹកថ្ងៃពុធ ទី០៦ ខែវិច្ឆិកា ឆ្នាំ២០១៩ ឯកឧត្តម អ៉ីវ លាង អនុប្រធានក្រុមការងារថ្នាក់ជាតិចុះជួយស្រុកបាភ្នំ និងជាអគ្គាធិការ នៃអគ្គាធិការដ្ឋានក្រសួងមហាផ្ទៃ អញ្ជើញជួបសំណេះសំណាលជាមួយបងប្អូនស្ថិតក្នុងវត្តប្រស្រែ ភូមិប្រស្រែ ឃុំបឹងព្រះ ស្រុកបាភ្នំ ខេត្តព្រៃវែង។
ឯកឧត្តមមានប្រសាសន៍ថា សូមបងប្អូនរួមគ្នារក្សាសន្តិភាពរបស់យើងទាំងអស់គ្នា នឹងចូលរួមហូបអំបុកសាមគ្គីថ្ងៃទី៩ ព្រមទាំងស្នើដល់បងប្អូនចូលរួមរាយការណ៍ករណីដឹងថាមានការចែកចាយ ប្រើប្រាស់គ្រឿងញៀនក្នុងមូលដ្ឋាន។
ក្នុងឱកាសនោះ ឯកឧត្តមបានជួយដោះស្រាយលូដាក់មុខផ្ទះរបស់អ្នកមីងម្នាក់ និងបងប្អូនទីទល់ក្រចំនួន២គ្រួសារផងដែរ និងបន្តការងារសង្គមកិច្ចជាបន្តបន្ទាប់។
សូមជម្រាបថា គោលបំណងក្នុងការជួបសំណេះសំណាលនេះ គឺជាការផ្សារភ្ជាប់ទំនាក់ទំនងរវាងក្រុមការងារថ្នាក់ជាតិ ជាមួយបងប្អូនប្រជាពលរដ្ឋនៅមូលដ្ឋាន ដើម្បីស្តាប់ក្តីកង្វល់ ទទួលសំណូមពរនានា និងជាឱកាសសម្រាប់បងប្អូនប្រជាពលរដ្ឋបញ្ចេញមតិរបស់ខ្លួនដោយសេរី ព្រមទាំងអាចលើកឡើងនូវបញ្ហាប្រឈមទាក់ទងនឹងស្ថានភាពជីវភាពរស់នៅ សន្តិសុខ សុវត្ថិភាព ដែលកំពុងកើតមានឡើងក្នុងមូលដ្ឋានរបស់ខ្លួន ដើម្បីចូលរួមគ្នារកដំណោះស្រាយ៕
ប្រភព៖ អគ្គាធិការដ្ឋាន