នៅរសៀលថ្ងៃទី១១ ខែវិច្ឆិកា ឆ្នាំ២០១៩ នេះ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានយាងពន្លត់ភ្លើងជ័យនៅវិមានឯករាជ្យ ដែលបានអុជកាលពីថ្ងៃទី០៩ ខែវិច្ឆិកា ដែលជាថ្ងៃខួប ៦៦ឆ្នាំ នៃការទទួលបានឯករាជ្យពីប្រទេសបារាំង (០៩ វិច្ឆិកា ១៩៥៣-៩ វិច្ឆិកា ២០១៩)។
ព្រះរាជពិធីពន្លត់ភ្លើងជ័យនេះ ក៏មានការអញ្ជើញចូលរួមពី សម្តេចវិបុលសេនាភក្តី សាយ ឈុំ, សម្តេចពញាចក្រី ហេង សំរិន, សម្តេចអគ្គមហាសេនាបតីតេជោ ហ៊ុន សែន, សម្ដេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល សម្តេចក្រឡាហោម ស ខេង និងសម្តេចពិជ័យសេនា ទៀ បាញ់ ព្រមទាំងមន្រ្តីជាន់ខ្ពស់របស់រាជរដ្ឋាភិបាល កងកម្លាំងប្រដាប់អាវុធ និងមហាជនជាច្រើនផងដែរ៕ គឹមអាន
ដោយ៖ នាយកដ្ឋានព័ត៌មានវិទ្យា