នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការ នៃអគ្គស្នងការដ្ឋាននគរបាលជាតិ និងជាប្រធាន អនុគណៈកម្មការ សន្តិសុខ សណ្តាប់ធ្នាប់ និងសង្គ្រោះ នៃគណៈកម្មាធិការជាតិរៀបចំកិច្ចប្រជុំកំពូល អាស៊ី - អឺរ៉ុប លើកទី១៣ ឆ្នាំ២០២០ ព្រមជាមួយ ឯកឧត្តម នាយឧត្តមសេនីយ៍ កិត្តិបណ្ឌិត ហ៉ីង ប៊ុនហៀង អគ្គមេបញ្ជាការរង និងជាមេបញ្ជាការ នៃបញ្ជាការដ្ឋានអង្គរក្ស នៅព្រឹកថ្ងៃទី៦ ខែមីនា ឆ្នាំ២០២០ នាទីស្តីការក្រសួងមហាផ្ទៃ បានបេីកកិច្ចប្រជុំផែនការការពារ សន្ដិសុខ សណ្ដាប់ធ្នាប់ និងសុវត្ថិភាព សម្រាប់កិច្ចប្រជុំកំពូលអាស៉ី-អឺរ៉ុប លើកទី១៣ ក្នុងឆ្នាំ២០២០ ដែលកម្ពុជាត្រូវធ្វើជាម្ចាស់ផ្ទះ ដោយមានការចូលរួមពីប្រធានអង្គភាពពាក់ព័ន្ធទាំងអស់ផងដែរ។
សូមជម្រាបដែរថា កិច្ចប្រជុំអាស៊ី-អឺរ៉ុប (ASEM) គឺជាកិច្ចពិភាក្សានៃដំណើរការផ្លូវការមួយ និងកិច្ចសហប្រតិបត្តិការរវាងសមាជិកសហភាពអឺរ៉ុបទាំង៣០ប្រទេស និងអាស៊ីចំនួន២១ប្រទេស ព្រមទាំងលេខាធិការអាស៊ានផងដែរ។
កិច្ចពិភាក្សា ASEM នឹងលើកឡើងពីបញ្ហា នយោបាយ សេដ្ឋកិច្ច និងវប្បធម៌ ជាមួយគោលបំណង នៃការលើកកំពស់ទំនាក់ទំនង រវាងតំបន់ទាំងពីរ ដោយឈរលើគោលបំណង នៃការគោរពគ្នាទៅវិញទៅមក និងភាពជាដៃគូដោយស្មើសិទ្ធិគ្នា៕
ដោយ ៖នាយកដ្ឋានព័ត៌មានវិទ្យា
