នាព្រឹកថ្ងៃសុក្រ ទី០៦ ខែមីនា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំគណៈប្រតិភូជាន់ខ្ពស់ក្រសួងមហាផ្ទៃ ត្រឡប់មកពីបំពេញទស្សនកិច្ចការងារ នៅរដ្ឋធានីវៀងច័ន្ទ នៃសាធារណរដ្ឋប្រជាធិបតេយ្យប្រជាមានិតឡាវ។
នាឱកាសបំពេញទស្សនកិច្ចអស់រយៈពេល៣ថ្ងៃនោះ សម្តេចក្រឡាហោម ស ខេង ព្រមទាំងគណៈប្រតិភូជាន់ខ្ពស់ក្រសួងមហាផ្ទៃ បានទទួលកិច្ចស្វាគមន៍យ៉ាងកក់ក្តៅពីគណៈប្រតិភូភាគីនៃសាធារណរដ្ឋប្រជាធិបតេយ្យប្រជាមានិតឡាវ និងបានជួបប្រជុំពិភាក្សាការងារពាក់ព័ន្ធផ្សេងៗ ហើយក៏ទទួលបាននូវលទ្ធផលនៃកិច្ចសហការព្រមព្រៀងលើផ្នែកពាក់ព័ន្ធនានាជាច្រើនទៀតផងដែរ៕ រតនា
ដោយ៖ នាយកដ្ឋានព័ត៌មាវិទ្យា