នាថ្ងៃសៅរ៍ ៧រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២ ខែមីនា ឆ្នាំ២០២៤ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានទទួល គោលការណ៍ ពីឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ឱ្យបន្តអនុវត្តស្ម័គ្រចិត្តមកបម្រើការងារបន្ថែម នៅពេលព្រឹកថ្ងៃសៅរ៍ ចាប់ពីម៉ោង០៨:០០នាទីព្រឹក ដល់ម៉ោង១២:០០នាទីថ្ងៃត្រង់ ដើម្បីជួយសម្រួលដល់ប្រជាពលរដ្ឋដែលបានអញ្ជើញមកដកឯកសារ ស្នើសុំកែតម្រូវទិន្នន័យ និងមោឃភាពបញ្ជីអត្រានុកូលដ្ឋាន និងឯកសារស្នើសុំសេចក្តីចម្លងសំបុត្រអត្រានុកូលដ្ឋាន ដែលបានសម្រេចរួចរាល់ ៕
ប្រភព ៖ អគ្គនាយកដ្ឋានអត្តសញ្ញាណកម្ម