នារសៀលថ្ងៃចន្ទ ១៤ កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែកុម្ភៈ ឆ្នាំ ២០១៩ នៅទីស្តីការក្រសួង ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានដឹកនាំកិច្ចប្រជុំ ត្រៀមលក្ខណៈ ដើម្បីរៀបចំកិច្ចប្រជុំស្តីពីកិច្ចសហប្រតិ បត្តិការសម្រាប់ឆ្នាំ២០១៩ រវាងក្រសួងមហាផ្ទៃ នៃព្រះរាជាណាចក្រ កម្ពុជា និងក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ ដែលព្រះរាជាណាចក្រកម្ពុជានឹងធ្វើជាម្ចាស់ផ្ទះ នៅក្នុងខែមីនាខាងមុខនេះ កិច្ចប្រជុំនេះដែរមានការចូលរួមពីថ្នាក់ដឹកនាំពាក់ព័ន្ធរបស់ក្រសួង និងស្ថាប័នជាច្រើនផងដែរ។
សូមបញ្ជាក់ថា កិច្ចប្រជុំនេះធ្វើឡើងគឺដើម្បី ធ្វើយ៉ាងណាឲ្យកិច្ចដំណើរការកិច្ចប្រជុំផ្លូវការនាពេលខាងមុខនេះ ទទួលបានជោគជ័យ និងសម្រេចបានលទ្ធផលល្អ ហើយនេះក៏ជាយន្តការក្នុងការបន្តពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យសន្តិសុខអោយកាន់តែល្អប្រសើរ និងកាន់តែជិតស្និតបន្ថែមទៀត៕គឹមអាន
ប្រភព៖នាយកដ្ឋានព័ត៌មានវិទ្យា