ព្រឹកថ្ងៃពុធ ០១រោច ខែមាឃ ឆ្នាំច សំរឹទ្ធិស័ក ព.ស ២៥៦២ត្រូវនឹងថ្ងៃទី២០ខែកុម្ភៈ ឆ្នាំ២០១៩ នៅសាលប្រជុំអគ្គាធិការដ្ឋាន ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ បានដឹកនាំកិច្ចប្រជុំពិភាក្សាលើរបាយការណ៍ស្តីពីលទ្ធផល នៃការចុះធ្វើអធិការកិច្ច កិច្ចការដ្ឋបាល នៅមណ្ឌលអប់រំកែប្រែទី២ ដោយមានចូលរួមដោយ អគ្គាធិការរង ប្រធាននាយកដ្ឋាន និងមន្ត្រីជំនាញ នៃអគ្គាធិការដ្ឋានជាច្រើនផងដែរ ។
កិច្ចប្រជុំពិភាក្សាផ្តោតទៅលើខ្លឹមសាររួមមាន៖ ការចាត់តាំងអនុវត្តគោលនយោបាយ លិខិតបទដ្ឋានគតិយុត្តនានា និងសាលក្រម ឬសាលដីការតុលាការ, ការអនុវត្តតួនាទី ភារកិច្ច រចនាសម្ព័ន របៀបរបបការងារ និងទំនាក់ទំនងការងារ, ការគ្រប់គ្រងមន្ត្រី, ការគ្រប់គ្រង ការចរាចរលិខិត និងឯកសារនានា, ការគ្រប់គ្រងជនជាប់ឃុំ, ការគ្រប់គ្រងថវិកា និងទ្រព្យសម្បត្តិរដ្ឋ។
ព្រមជាមួយគ្នានោះផងដែរ អង្គប្រជុំក៏បានពិភាក្សារបាយការណ៍ស្តីពីលទ្ធផល នៃករណីអង្កេតស្រាវជ្រាវលើមន្ត្រី០១រូប នៅរដ្ឋបាលក្រុងប៉ោយប៉ែតដែលចុះផ្សាយតាមគេហទំព័រ Fresh News ផងដែរ៕គឹមអាន
ប្រភព៖ អគ្គាធិការដ្ឋាន