ភ្នំពេញ៖ ថៃ្ងស្រុក ទី១០ ខែកក្កដា ឆ្នាំ២០២០ នាយកដ្ឋាននគរបាលការពារព្រំដែនទឹក បានរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្តិ ជូន នាយនគរបាលជាតិជាន់ខ្ពស់ សរុប ចំនួន ២៦នាក់ ក្រោមអធិបតីភាព ឯកឧត្តម ឧត្តមសេនីយ៍ឯក តេង សួន អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ។
ក្នុងនោះមានការប្រកាសផ្ទេរភារកិច្ច តែងតាំងមុខតំណែង សរុបចំនួន ១០នាក់ (ថ្នាក់អនុប្រធាននាយកដ្ឋាន ចំនួន ០២នាក់, នាយការិយាល័យ ចំនួន ០១នាក់, នាយផែ្នកចំនួន ០៣នាក់, នាយប៉ុស្តិ៍ ចំនួន ០១នាក់, និងនាយរងផែ្នក ចំនួន ០៣នាក់ ) និងបំពាក់ឋានន្តរស័ក្កិ សរុប ចំនួន ១៦នាក់ (ថ្នាក់ឧត្តមសេនីយ៍ទោ ចំនួន ០២នាក់, ឧត្តមសេនីយ៍ត្រី ចំនួន ០៨នាក់, វរសេនីយ៍ឯក ចំនួន ០៥នាក់ និងវរសេនីយ៍ទោ ចំនួន ០១នាក់ )។
ក្នុងពិធីនេះ ក៏មានការអញ្ជើញចូលរួម ពី ឯកឧត្តម ឧត្តមសេនីយ៍ តំណាងប្រធាននាយកដ្ឋានបុគ្គលិក ឯកឧត្តម ឧត្តមសេនីយ៍ តំណាងប្រធាននាយកដ្ឋានកណ្តាលនគរបាលព្រំដែន និងឯកឧត្តម ឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក និងឯកឧត្តម ឧត្តមសេនីយ ប្រធាននាយកដ្ឋានចំណុះនាយកដ្ឋានកណ្តាលនគរបាលព្រំដែន ព្រមទាំងលោក-លោកស្រីអនុប្រធាននាយកដ្ឋាន នាយ-នាយរងការិយាល័យ ប្រធានអង្គភាព មេបញ្ជាការវរសេនាតូច និងមន្ត្រីក្រោមឱវាទ នៅសាលាប្រជុំនាយកដ្ឋាននគរបាលការពារព្រំដែនទឹក៕
ប្រភព៖ អគ្គស្នងការដ្ឋាននគរបាលជាតិ
