នៅថ្ងៃព្រហស្បតិ៍ ០២កើត ខែមាឃ ឆ្នាំរកា ព.ស ២៥៦១ ត្រូវនឹងថ្ងៃទី១៨ ខែមករា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញដឹកនាំគណប្រតិភូនៃក្រសួងមហាផ្ទៃធ្វើមាតុភូមិនិវត្តន៍ពីសាធារណរដ្ឋប្រជាធិបតេយ្យប្រជាមានិតឡាវមកកាន់ព្រះរាជាណាចក្រកម្ពុជាវិញប្រកបដោយសុវត្ថិភាពនិងជោគជ័យ។
សូមបញ្ជាក់ជូនថា កាលពីរសៀលថ្ងៃ ទី១៦ ខែមករា ឆ្នាំ២០១៨ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើងទៅបំពេញទស្សនកិច្ចនៅសាធារណរដ្ឋប្រជាធិបតេយ្យប្រជាមានិតឡាវ ដើម្បីចូលរួមកិច្ចប្រជុំមន្ត្រីជាន់ខ្ពស់ ត្រៀមលក្ខណៈដើម្បីអង្គប្រជុំទ្វេភាគី រវាងក្រសួងសន្តិសុខសាធារណៈ នៃ ស.ប.ប និងក្រសួងមហាផ្ទៃ នៃព្រះរាជាណាក្រកម្ពុជា។
ជាលទ្ធផលក្នុងកិច្ចប្រជុំនោះ ភាគីទាំងពីរបានចុះហត្ថលេខាព្រមព្រៀងលើកំណត់ហេតុ លទ្ធផលសំខាន់ៗ នៃកិច្ចសហប្រតិបត្តិការទ្វេភាគីរវាងប្រទេសទាំងពីរ៕