នៅរសៀលថ្ងៃព្រហស្បតិ៍ ៣កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៧ ខែកុម្ភៈ ឆ្នាំ២០១៩ នៅទីស្តីការក្រសួងមហាផ្ទៃ ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ បានដឹកនាំកិច្ចប្រជុំ ដើម្បីត្រៀមលក្ខណៈរៀបចំកិច្ចប្រជុំរវាងក្រសួងមហាផ្ទៃ នៃព្រះរាជាណាចក្រកម្ពុជា និងក្រសួងសន្តិសុខសាធារណៈនៃសាធារណរដ្ឋប្រជាមានិតឡាវ នាពេលឆាប់ៗខាងមុខនេះ ព្រមជាមួយគ្នានោះដែរ ក៏មានពិធីចុះហត្ថលេខាលើកំណត់ហេតុនៃកិច្ចសហប្រតិបត្តិការសម្រាប់ឆ្នាំ២០១៩ រវាងក្រសួងទាំងពីរផងដែរ។
សូមបញ្ជាក់ដែរថា ក្រសួងមហាផ្ទៃ នៃព្រះរាជាណាចក្រកម្ពុជា និងក្រសួងសន្តិសុខសាធារណៈនៃសាធារណរដ្ឋប្រជាមានិតឡាវ តែងផ្លាស់ប្តូរគ្នាក្នុងការធ្វើជាម្ចាស់ផ្ទះសម្រាប់រៀបចំកិច្ចប្រជុំប្រចាំឆ្នាំ ដើម្បីពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យសន្តិសុខអោយកាន់តែខ្លាំងក្លា ល្អប្រសើរ និងកាន់តែជិតស្និតបន្ថែមទៀត៕គឹមអាន
ដោយ៖នាយកដ្ឋានព័ត៌មានវិទ្យា
