នៅសាលប្រជុំនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ នាព្រឹកថ្ងៃអង្គារ ១៤កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែមីនា ឆ្នាំ ២០១៩នេះ ឯកឧត្តម មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ បានអនុញ្ញាតឲ្យក្រុមហ៊ុន Yunnan Yunce Quality Testing Co., Ltd នៃទីក្រុង Kunming ខេត្ត Yunnam នៃសាធារណរដ្ឋប្រជាមានិតចិន ដែលដឹកនាំដោយលោក Wei Wang (Vice Genreral Manager)និងលោក Junming Li (Chairman Senior Engineer)ធ្វើបទបង្ហាញស្តីពី "ការគ្រប់គ្រងសុវត្ថិភាពចំណីអាហារ " ជូនដល់មន្រ្តីជំនាញ នៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ដើម្បីពង្រឹងសមត្ថភាព ចំណេះដឹង ជំនាញនិងបទពិសោធន៍ថ្មីៗបន្ថែមទៀត ។
នៅក្នុងពិធីនេះក៏មានការប្រគល់ ទទួលឧបករណ៍សម្ភារបច្ចេកទេសធ្វើពិសោធន៍បឋមពិនិត្យ រកសារធាតុគីមីពុលក្នុងចំណីអាហារ ពីក្រុមហ៊ុន ជូនដល់គណៈកម្មាធិការផងដែរ ៕
ដោយ៖ នាយកដ្ឋានព័ត៌មានវិទ្យា